Материаллаг биетийн харилцан үйлчлэл, хөдөлгөөний ерөнхий хэлбэрийн тухай шинжлэх ухаан. Эгэл бөөмс, атомын цөм, атом, молекул, хатуу бие, шингэн, хий, плазм, физик оронг судална. Судалгааны аргын хувьд туршилтын ба онолын гэж хуваагдана. Физикийн үндсэн онолууд гэвэл: сонгодог механик, цахилгаан динамик, харьцангуйн ерөнхий онол, квант механик. Физикийн хуулиуд байгалийн шинжлэх ухааны үндэс болдог бөгөөд орчин үеийн техникийн онолын тулгуур үндэс болдог.
