Сансарт нисэх аппаратын хөдөлгөөний замын хэлбэрээс хамааруулан тойрог замд оруулах агшинд түүнд олговол зохих хурдын хязгаар утга. Түүнийг сансрын I, II, III хурд гэж ялгана. Дэлхийг тойрог замаар тойрон эргэх биетэд олговол зохих хурдыг сансрын нэгдүгээр хурд гэнэ. Ойролцоогоор 8 км/с байна. Биетэд үүнээс арай илүү хурд олговол дэлхийг эллипслэг замаар тойрно. Хэрэв биетэд 11.2 км/с хурд олговол тэр нь Дэлхийг орхин параболлог замаар хөдлөх бөгөөд үүнийг сансрын II хурд гэнэ. Хэрэв биетэд үүнээс илүү 16.67 км/с хурд олговол тэр нь гиперболлог замаар хөдөлж Íарны аймгаас тасран гарна. Энэ хурдыг сансрын III хурд гэнэ.
